Lahat ng tatlong Metro Manila monitoring station ay nagtala ng peligrosong heat index na 42 degrees Celsius (°C) nitong Miyerkules ng hapon, Mayo 17, sinabi ng Philippine Atmospheric, Geophysical and Astronomical Services Administration (PAGASA).
Naitala ng PAGASA ang 42°C heat index sa mga monitoring station nito sa Science Garden, Quezon City at Ninoy Aquino International Airport, Pasay City bandang ala-1 ng hapon at sa Port Area, Manila bandang 2 p.m.
Ayon sa PAGASA, ang heat index na mula 42°C hanggang 51°C ay nagpapahiwatig ng nagbabadyang "danger," dahil “heat cramps and heat exhaustion are likely,” at “heat stroke is probable with continued activity.”
Ang heat index ay ang pagsukat kung gaano kainit ang pakiramdam kapag ang relatibong halumigmig ay isinasama sa aktuwal na temperatura ng hangin.
VP Sara, FPRRD, pinilahan umano ng 40,000 katao sa kanilang Pamasko sa Davao City
Tatlumpu't isang iba pang monitoring stations ang nagtala din ng "mapanganib" na mga heat index ng init noong Miyerkules.
Ang mga ito ay:
Catarman, Northern Samar (46°C)
Ambulong, Tanauan, Batangas (45°C)
Baler, Aurora (45°C)
Calapan City, Oriental Mindoro (45°C)
Juban, Sorsogon (45°C)
Roxas City, Capiz (45°C)
Borongan, Eastern Samar (44°C)
Catbalogan, Western Samar (44°C)
Dagupan City, Pangasinan (44°C)
Dipolog City, Zamboanga del Norte (44°C)
Hinatuan, Surigao del Sur (44°C)
Iba, Zambales (44°C)
Maasin, Southern Leyte (44°C)
Zamboanga City, Zamboanga del Sur (44°C)
Alabat, Quezon (43°C)
Aparri, Cagayan (43°C)
Butuan City, Agusan del Norte (43°C)
Daet, Camarines Norte (43°C)
Dauis, Bohol (43°C)
Guiuan, Eastern Samar(43°C)
Legazpi City, Albay(43°C)
Mactan International Airport, Cebu (43°C)
Masbate City, Masbate (43°C)
San Jose, Occidental Mindoro (43°C)
Surigao City, Surigao del Norte (43°C)
Tuguegarao City, Cagayan (43°C)
Casiguran, Aurora (42°C)
Dumaguete City, Negros Oriental (42°C)
Sangley Point, Cavite (42°C)
Tacloban City, Leyte (42°C)
Virac, Catanduanes (42°C)
Naitala ng PAGASA ang pinakamataas na heat index sa bansa ngayong taon noong Mayo 12 sa Legazpi City, Albay sa 50°C.
Ellalyn De Vera-Ruiz
