Isang karangalan para sa may-ari ng Miss Universe at transwoman Thai billionaire na si Anne Jakrajutatip ang makadaupang-palad si Miss Universe 1973 Margie Moran kamakailan.
Ito ang mababasa sa Instagram post ng media mogul nitong Miyerkules, Mayo 17.
“Miss Universe Organization was so privileged, honored and proud to meet with Ms. Margie Moran, the Miss Universe 1973 from The Philippines, who is the pride of many Filipinos for 50 years now,🙏” ani Anne.
Sunod na inilarawan ng MU owner si Moran bilang “legendary woman” na nagkamit ng maraming tagumpay bilang “golden beauty queen, high class actress and peace advocate.”
“She’s the real Force For Good who can be the female icon for all generations to look up to. 👏 Salamat and we love you!” pagtatapos ni Anne.
Ilang pageant fans naman ang natuwa sa up close and personal na na interaction ng dalawa sa mga larawan.
“Oh my goodness! 1973 that was 50 years ago she doesn’t look like she could be older than 60!” komento ng isang follower ng MU owner.
“Margie Moran aged beautifully.”
“Legendary Queens! 👑👑👑”
“The legendary@margie_moran[is] effortlessly elegant and such an icon for all of the Filipinos around the world. We respect and adore you madame 🫶🏽🇵🇭!”
Si Moran ang nagsilbing isa sa panel of judges ng Miss Universe Philippines 2023 kamakailan. Kasalukuyan siyang chairperson ng Cultural Center of the Philippines.
Maliban kay Anne, unang na-meet din ni Pinay-American at reigning Miss Universe 2022 R’Bonney Gabriel si Moran sa isang welcome dinner.
