Bilang bahagi ng layunin ng pamahalaan na gawing "tourism hub" ang Pilipinas, magkakaloob umano ang Department of Information and Communications Technology (DICT) ng libreng internet services sa 94 major tourism areas sa bansa.
Sa isinagawang palace briefing nitong Martes, Mayo 16, ibinahagi ni DICT Secretary Ivan John Uy na nagbigay na si Department of Tourism (DOT) Secretary Christina Frasco ng inisyal na listahan ng 94 tourist destinations na may "connectivity challenges."
Ang nasabing listahang ang magiging blueprint umano para sa pinagsamang proyekto ng libreng Wi-Fi.
Nilinaw namanni Uy na 46 na major tourism sites lamang ang unang sasakupin ng unang yugto sa ilalim ng nasabing inisyatiba. Ang mga lugar na ito ay ang pangunahing lokalidad sa loob ng mga lalawigan ng Benguet, Palawan, Aklan, at Cebu
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Sa kanilang pakikipagtulungan sa DOT, sinabi ng DICT na ilan sa mga hadlang sa pag-promote nila sa bansa bilang "primary tourist destination" ay ang isyu ng internet connectivity.
“Many of the tourists now are also vloggers. They vlog about their experiences while they are there experiencing or enjoying the tourism sites so it’s critical that we provide them with internet connectivity,” saad ni Uy.
Aniya, titiyakin ng pagtatatag ng mga libreng Wi-Fi hotspot na magkakaroon ang mga turista ng "complete experience" habang tinatangkilik ang tourism sites sa Pilipinas.
