Tinambakan ng Philippine women's basketball team ang Singapore, 94-63, sa 32nd Southeast Asian (SEA) Games sa Morodok Elephant Hall 2 in Phnom Penh, Cambodia, nitong Huwebes.
Sa unang bugso ng laban, pitong puntos ang bentahe ng Gilas, 45-38.
Nagtuloy-tuloy na ang abante ng Gilas na umabot pa sa 33 puntos, 94-61, sa papaupos na oras.
Pinamunuan ni Khate Castro ang Gilas sa nagawang 14 puntos, habang nag-ambag naman ng tig-11 puntos sina Afril Bernardino at Ella Fajardo.
Tumulong din sa panalo ng koponan si Clare Saquing Castro na bumomba ng 10 puntos.
2 PH Navy na pinukpok sa ulo ng CCG, makatatanggap ng tig-₱100k!
Pinangunahan naman ni Amanda Zhiyan ang Singapore sa nakubrang 18 puntos, dagdag pa ang 13 markers nii Chu Yin Chan.
Hawak na ng Gilas ang 2-0 record.
Makakasagupa pa ng Gilas ang wala pang talong Indonesia sa Biyernes dakong 2:00 ng hapon (oras sa Pilipinas).
