NUEVA ECIJA -- Nasamsam ng awtoridad ang halos ₱1 milyong halaga ng umano'y shabu sa isang drug suspect at kasamahan nito sa isinagawang anti-illegal drug operation sa Purok 7, Brgy. Valle Cruz, Cabanatuan City noong Lunes, Mayo 8.
Ayon sa ulat mula sa tanggapan ng Nueva Ecija PNP, ang isinagawang buy-bust operation ay nagresulta sa pagkakaaresto ng suspek na kabilang sa drug watchlistna si Dionisio Gonzales III at kasamahannito na si Elena Valdez.
Nasamsam sa kanila ang ₱1,000 buy bust money, 6 na ₱1,000 boodle money, black na lalagyan ng sunglasses, pitong heat-sealed transparent plastic sachet na naglalaman ng umano'y shabu, at knot-tied transparent plastic bag na naglalaman din ng umano'y shabu na may timbang na hindi bababa sa 140 gramo at may tinatayang nasa ₱952,000.
Ayon sa awtoridad, isang linggo nilang binabantayan ang iligal na aktibidad ng mga suspek bago isagawa ng operasyon.
