Nagpatupad ng mga pinaikling klase at blended learning sa mga pampublikong paaralan sa lungsod ang School Division Office of Quezon City (SDO-QC) dahil sa tumataas na temperatura na naitala sa lungsod.
Sinabi ng lokal na pamahalaan nitong Biyernes, Mayo 5, na pinahintulutan ng SDO-QC ang mga pinaikling klase at blending learning para sa proteksyon ng mga mag-aaral kasunod ng kautusan ng Department of Education na nag-eendorso ng modular distance learning sakaling magkaroon ng mga natural na kalamidad, pagkawala ng kuryente/pagkagambala, at iba pang kalamidad.
“Our utmost priority will always be the welfare of our children. Since the summer heat is too much to bear, especially in classrooms, we welcome the implementation of blended, modular, or shortened class periods for public schools,” ani Quezon City Mayor Joy Belmonte.
Ayon sa pamahalaang lungsod, kinakailangang mag-ulat ang mga school heads ng kanilang delivery mode linggu-linggo depende sa pagbabago ng panahon tulad ng iniulat ng Philippine Atmospheric, Geophysical, Astronomical Services Administration (PAGASA).
VP Sara, suportado batas kontra ‘anti-dynasty:’ Ako yung pinakamagaling sa political dynasty!
Sa 95 pampublikong paaralang elementarya, dalawa ang nagpatupad ng print modular, 13 ang sumailalim ng blended learning, habang 10 ang nagsimulang magpatupad ng pinaikling panahon ng klase para sa unang linggo ng Mayo, sinabi nito.
Idinagdag nito na sa 63 pampublikong sekondaryang paaralan sa lungsod, dalawang paaralan din ang nagpatupad ng print modular, 26 ang blended learning mode, habang walo ang pumili ng pinaikling panahon ng klase.
Sinabi rin na ang pinaikling panahon ng klase ay magsisimula mula 6 a.m. hanggang 10:30 a.m. para sa morning batch; at 2 p.m. hanggang 6:30 p.m. para sa mga sesyon sa hapon.
Ang pagpili ng modality ay natukoy pagkatapos ng konsultasyon sa lahat ng stakeholder, idinagdag nito.
Aaron Homer Dioquino
