DOTr, papaigtingin pa ng Covid-19 preventive measures sa railway lines-Balita

Kasunod nang patuloy na pagtaas ng mga naitatalang bagong kaso ng Covid-19 sa bansa, inatasan na ng Department of Transportation (DOTr) ang lahat ng railway lines sa bansa na higit pang paigtingin ang kanilang ipinaiiral na Covid-19 preventive measures.

Sa isang pahayag nitong Martes, pinaalalahanan rin ni DOTr Assistant Secretary for Railways Jorjette Aquino, na siya ring officer-in-charge ng MRT-3, ang mga operators ng Light Rail Transit (LRT), Metro Rail Transit (MRT), at Philippine National Railways (PNR) na mahigpit pa ring ipatupad ang mandatory na pagsusuot ng face masks sa lahat ng kanilang mga tren at mga istasyon.

Mahigpit rin ang kautusan ni Aquino na isailalim sa mandatory COVID-19 testing ang lahat ng opisyal, empleyado at personnel ng rail lines na makikitaan ng sintomas ng Covid-19.

Nabatid na ang direktiba ay inisyu ng DOTr matapos na makapagtala ang Department of Health (DOH) ng 42% na pagtaas sa average daily new Covid-19 cases na nasa 637 bagong kaso kada araw, sa huling bahagi ng Abril, 2023.

“The Department of Transportation would like to remind all rail operators to remain vigilant and ramp up preventive measures against Covid-19, as the number of cases is still on the rise,” ayon pa kay Aquino.

“As such, we direct all rail operators to strictly enforce the wearing of face masks in all trains and stations. Furthermore, we require all officials, employees, and personnel in the railways sector to undergo mandatory Covid-19 testing should anyone suffer from symptoms of the virus,” dagdag pa niya.

Samantala, muli rin namang ipinaalala ni Aquino sa mga train commuters na mahigpit pa ring ipinagbabawal ang pag-uusap ng mga pasahero sa loob ng tren, gayundin ang pakikipag-usap ng mga ito sa telepono habang nakasakay sa tren, upang maiwasan ang pagkalat pa ng Covid-19.

Paniniguro pa niya, tuluy-tuloy pa rin ang kanilang disinfection activities sa lahat ng mga tren at mga istasyon.

“We urge all rail operators to undertake these measures with the health and safety of each commuter on top of mind. Let us work together to ensure the safety of everyone during these challenging times,” dagdag pa ni Aquino.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...