Nagsagawa ng aerial inspection si Senator Imee Marcos upang makita ang lawak ng naapektuhan ng oil spill sa Oriental Mindoro.
Sakay ng helicopter Airbus H145, sinamahan ni Philippine Coast Guard Admiral Artemio Abu si Marcos sa pag-ikot sa himpapawid sa bahagi ng Oriental Mindoro nitong Sabado, Abril 29.
Matapos ang aerial survey, inihatid naman si Marcos sa Pinamalayan sa naturang lalawigan, upang mamahagi ng tulong pinansyal sa mga estudyante sa kolehiyo.
Mahigit sa 1,000 estudyante ng Pinamalayan at Gloria, Oriental Mindoro ang nakatanggap ng tulong pinansyal sa unang bugso ng pamamahagi.
Catanduanes, niyanig ng magnitude 6.1 na lindol
Dumalo rin sa isinagawang distribution of assistance sina Oriental Mindoro Governor Humerlito Dolor; Pinamalayan Municipal Mayor Aristeo Baldos Jr; Unified Incident Commander ng Oil Spill Response, Coast Guard Commodore Geronimo Tuvilla; Regional Director MIMAROPA, Police Brigadier General Joel Doria; Provincial Police Office Director, Col. Samuel Delorino; at iba pang opisyales ng lokal na pamahalaan.
