Niyanig ng magnitude 5.5 na lindol ang probinsya ng Occidental Mindoro nitong Sabado ng hatinggabi, Abril 29, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan bandang 12:00 ng hatinggabi.
Namataan ang epicenter nito 16 kilometro ang layo sa hilagang-kanluran ng Calintaan, Occidental Mindoro, na may lalim na 44 kilometro.
Naitala ang instrumental intensities sa mga sumusunod na lugar:
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Intensity IV - Puerto Galera at Calapan City, ORIENTAL MINDORO
Intensity III - Lemery at Calatagan, BATANGAS; San Ildefonso, BULACAN; Magallanes, at Tagaytay City, CAVITE; Las Piñas City
Intensity II - Abucay, BATAAN; Cuenca, San Luis, Bauan, Laurel, Batangas City, at Sta. Teresita, BATANGAS; Marilao, Malolos City, Guiguinto, Calumpit, at Pulilan, BULACAN; Tagaytay City at Ternate, CAVITE; Muntinlupa City; Abra De Ilog, OCCIDENTAL MINDORO; Victoria, ORIENTAL MINDORO
Intensity I - Dinalupihan, BATAAN; Talisay, Lipa, BATANGAS; Norzagaray at Obando, BULACAN; San Juan City, Pasay, Malabon City, Pateros, Metro Manila; Paranaque City; Guagua, PAMPANGA; Gumaca, Dolores, QUEZON; Cardona, Angono, at Taytay, RIZAL; Marabut, SAMAR; San Antonio, Cabangan, Subic, at Olongapo City, ZAMBALES
Pinag-iingat ng Phivolcs ang mga residente sa posibleng aftershocks.
Hindi naman umano inaasahang magdudulot ng pinsala ang nasabing pagyanig.
