Nanawagan si Senador Risa Hontiveros sa mga parlyamentaryo na manindigan sa pakikiisa sa laban ng mga kababaihan para sa tunay na pagkakapantay-pantay ng kasarian.
Nagsilbing kinatawan ng Pilipinas si Hontiveros sa Global Conference of Parliamentarians on Population and Development sa Tokyo, Japan, mula nitong Lunes, Abril 24 hanggang sa Miyerkules, Abril 26.
“I hope as we work towards creating societies that are freer, healthier, and happier for our women and girls, we always remember to work together, look out for each other, and stay united in our shared humanity,” saad ni Hontiveros sa kaniyang pahayag.
Binaggit din ng senador kung paano umano inilantad ng COVID-19 ang mga hindi pagkakapantay-pantay sa lipunan na nagpalala sa suliranin ng mga karapatan ng kababaihan at pagkakapantay-pantay ng kasarian sa Pilipinas.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Ipinunto rin ni Hontiveros ang mga gender-based na karahasan tulad ng mga insidente umano ng sex-for-pass sa mga checkpoint at mga kaso ng online sexual exploitation ng mga bata sa social media na naging laganap, aniya, sa Pilipinas dahil sa krisis sa kalusugan at sa ekonomiya na dulot ng pandemya.
Kaya naman, bilang Chairperson ng Senate Committee on Women, Children, Family Relations, and Gender Equality, ibinahagi rin ni Hontiveros ang mga batas, tulad ng Anti-Online Sexual Abuse and Exploitation of Children, Prohibition of Child Marriage Law, at Safe Spaces Act, na ipinasa nila upang pangalagaan ang kapakanan ng mga kababaihan, lalo na umano ngayong pandemya.
“We shouldn’t just stop at passing laws for our women, we should make it our responsibility to ensure that more women are also in leadership positions, more women who intimately know the lived experiences of being a woman,” saad ni Hontiveros.
“When we have the different perspectives of different kinds of women in decision-making spaces and in all levels of governance, we would be more able to live out true gender equality and empowerment for all,” dagdag niya.
Ang nasabing event ay inorganisa umano ng Asian Population and Development Association, Asian Forum of Parliamentarians on Population and Development Japan, Parliamentarians Federation for Population, at sinusuportahan ng Ministry of Foreign Affairs ng Japan, United Nations Population Fund, at Japan Trust Pondo.
