Sinabihan ang publiko na maghanda para sa posibleng pagtaas ng mga mobile text scam at spam kasunod ng 90-araw na extension na ibinigay sa mandatoryong SIM card registration.
Sa isang pampublikong briefing nitong Martes ng hapon, Abril 25, sinabi ni Department of Information and Communications Technology (DICT) Secretary Ivan John Uy na maaaring tumaas ang karaniwang bilang ng text scam na natatanggap ng mga Pilipino.
“Sa kasamaang palad, sa announcement na ito ng 90-day extension, inaasahan namin na tataas na naman ang text scam dahil binigyan namin sila ng 90-day window para ipagpatuloy ang kanilang mga aktibidad. It was a pro and con thing and it was difficult for us to make this decision, but again we want the public to avail of the SIM card registration,” ani Uy.
VP Sara sinabing si Romualdez ang gustong pumatay sa kaniya
Ang pangunahing layunin ng batas ay wakasan ang mga krimen sa mobile, lalo na ang paglaganap ng mga text scam at phishing.
"Sa huli, ito ay para sa ating sariling kapakanan at upang maprotektahan ang publiko mula sa lahat ng mga kriminal na aktibidad na ito. I am just issuing this warning to the public: expect the increase in scams within this 90-day period because we’ve opened the floodgates again,” pagpapatuloy ni Uy.
Isa sa mga dahilan ng mababang registration turnout, ayon kay Uy, ay ang “delayed compliance” ng ilang Pilipino. Mahigit sa 87 milyong card ang nakarehistro na sa buong bansa.
Charlie Mae F. Abarca
