Muling inanyayahan ng Philippine Charity Sweepstakes Office (PCSO) ang publiko na magtungo na sa pinakamalapit na lotto outlets sa kanilang lugar at tumaya sa kanilang lotto games dahil milyun-milyong papremyo na naman ang naghihintay upang kanilang mapanalunan.
Batay sa jackpot estimates ng PCSO, papalo na sa mahigit₱102 milyon ang jackpot prize ng MegaLotto 6/45 na nakatakdang bolahin ngayong alas-9:00 ng gabi ng Miyerkules, Abril 19, 2023.
"Si Mega Lotto 6/45? Di mo na siya mamaliitin, dahil sa laki ng jackpot nya right now, siya na ang IN na IN!
," ayon pa sa PCSO.
Samantala, ang jackpot prize naman ng GrandLotto 6/55, na bobolahin rin ngayong Miyerkules ng gabi, ay nananatili sa P29.7 milyon.
Ang MegaLotto 6/45 ay binobola naman tuwing Lunes, Miyerkules at Biyernes habang angGrandLotto 6/55 ay binubola naman tuwing Lunes, Miyerkules at Sabado.
‘Baka hanapin sa'kin ng asawa ko!' SP Sotto, dinaan sa biro 'maleta issue' laban sa kaniya
Una nang sinabi ni PCSO Vice Chairperson at General Manager Melquiades Robles na walang talo sa pagtaya ng lotto, dahil sa halagang₱20 lang ay may tiyansa ka nang magiging susunod na milyonaryo, at nakatulong ka pa sa mga kababayan nating nangangailangan.
