Pinaalala ni Public health expert Dr. Anthony “Tony” Leachon nitong Linggo, Abril 16, na hindi pa natatapos ang panganib ng Covid-19.
Sa panayam ng DZRH, sinabi ni Leachon na bagama’t tinitingnan ng World Health Organization (WHO) ang Covid-19 sa "transition point", hindi kailanman sinabi ng organisasyon na nasa "endemic stage” na ito.
“Ang lagi kong tinitignan ay ‘yung sasabihin ng WHO, kasi buong mundo ang mino-monitor nila. Ang sabi nila [kahit] na ang ibang countries are [now] declaring [it] endemic ay nasa transition period [pa lang] tayo,” ani Leachon.
“Never nilang sinabi na [nasa] endemic stage [na tayo], lalo na ngayon [sa Pilipinas] — two weeks ago maganda ang positivity rate, [pero] after two weeks ay umangat tayo sa 7.4 percent,” dagdag niya.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Ayon kay Leachon, bagama’t hindi ganoon kalala ang pagtaas ng positive rate ngayon kumpara sa nakaraan, dapat pa rin itong maging sanhi ng pag-aalala dahil ang mga patuloy pa rin ang paghawa nito.
“It is not over until it is over. The virus is still out there and we need to protect ourselves. [Right now], I don’t think it is in the endemic stage,” aniya.
Matatandaang idineklara ang Covid-19 bilang isang global pandemic noong Marso 11, 2020.
Charie Mae Abarca
