Inabisuhan ng Philippine Institute of Volcanology and Seismology (Phivolcs) ang publiko na huwag munang magpunta malapit sa mga baybay-dagat ng mga probinsya ng Catanduanes, Northern Samar, at Eastern Samar dahil umano sa banta ng tsunami matapos yanigin ng magnitude 6.6 na lindol ang Catanduanes kanina.
BASAHIN: Catanduanes, niyanig ng magnitude 6.6 na lindol
Itinala ng inilabas na advisory ng Phivolcs ang Minor Sea-level Disturbance nitong Martes ng gabi, Abril 4.
"Based on the tsunami wave models and early tide gauge records of the tsunami, it is expected to experience wave heights of less than one meter above the normal tides and may be higher on enclosed bays and straits," saad ng Phivolcs.
Inaasahan umano ang unang tsunami wave sa pagitan ng 09:02 PM nitong Martes hanggang 12:54 AM nitong Miyerkules, Abril 5. Maaari umanong magpatuloy ang mga alon ng ilang oras.
Misis ni Mike Defensor, nadawit sa subpoena ng NBI
Dahil dito, pinayuhan ng Phivolcs ang publiko na pag-ibayuhin ang pag-iingat at huwag munang lalapit sa mga baybay-dagat sa Catanduanes, Northern Samar, at Eastern Samar hangga't hindi pa kinakansela nito kinakansela ang nasabing abiso.
"People whose houses are located very near the shoreline of these provinces are advised to MOVE FARTHER INLAND," saad ng Phivolcs.
"Owners of boats in harbors, estuaries or shallow coastal water of the above-mentioned provinces should secure their boats and move away from the waterfront. Boats already at sea during this period should stay offshore in deep waters until further advised," dagdag nito.
