Mayroong pagtaas sa bilang ng mga bagong kaso ng Covid-19 sa Pilipinas ngunit "insignificant" ang bilang na ito, ayon sa Department of Health (DOH) nitong Martes, Abril 4.
Sinabi ni DOH Officer-in-Charge Maria Rosario Vergeire na ang average na bilang ng arawang kaso ng bansa ay nasa 268 hanggang Abril. 3.
"Ito ay 29 porsiyentong pagtaas mula noong nakaraang linggo," sabi ni Vergeire sa isang media forum.
Basahin: Covid-19 positivity rate sa NCR at 14 lalawigan, tumaas – Balita – Tagalog Newspaper Tabloid
Palasyo, may nilinaw sa 'reconciliation' remark ni PBBM: 'Wag lamang mag-focus sa mga Duterte'
Sa kabila ng pagdami ng kaso, tiniyak ni Vergeire sa publiko na walang dapat ikabahala sa panahong ito.
“Itong pagtaas ng kaso, nakikita natin sa iba’t ibang lugar dito sa ating bansa. Ngunit hanggang ngayon, ito ay nananatiling hindi gaanong mahalaga," aniya.
Ang healthcare utilization ng bansa ay kasalukuyang nasa ow-risk category na may 16 porsyento lamang na paggamit, ani Vergeire.
“We can see that the hospitalization is still manageable,” sabi niya.
“It only becomes significant ang pagtaas ng kaso pag nakita natin na alongside with the increase in the number of cases, nakikita natin na tumataas din ang admission natin sa ospital," dagdag niya.
Binigyang-diin din ni Vergeire ang kahalagahan ng pagsusuri sa sariling panganib ng isang tao.
‘Hindi ho natin kailangan mag worry o mangamba. Kailangan lang alam natin proteksyunan ang ating sarili,” she said.
"Alam natin na ang virus ay narito upang manatili at ang pagtaas ng mga kaso o ang umiiral na mga kaso sa araw-araw ay inaasahan na po iyan,” dagdag niya.
Analou de Vera
