Dahil sa biglaang pagsikat ng "grilled balut," dumami na ang nagbebenta nito. Kaya naman kaniya-kaniyang diskarte ang mga tindero'ttindera kung paano sila magkabebenta at tatangkilikin ng mga tao.

Kagaya na lamang ng kwelangbusiness tarpaulin niLloyd Torrefiel, 43, mula sa Cebu, kung saan makikita ang isang batang babae na nakadila.

ALAMIN: Ano nga ba ang EBET Law na pinirmahan ni PBBM

Inupload niya ito sa Facebook at sa hindi inaasahang pagkakataon, nag-viral na ito.

Sa eksklusibong panayam sa Balita, ibinahagi ni Torrefiel na ang cute na batang nasa tarpaulin ay ang kaniyang anak na babae noong apat na taong gulang pa lamang ito.

Aniya, nag-decide ang pamilya niya na lagyan ng picture ang tarpaulin para mapansin kaagad ang kanilang business. Good decision nga ito dahil kinagigiliwan ito ngayon ng netizens.

Bukod dito, ikinuwento rin niya na anim na taon na silang nagtitinda ng balut, penoy, siomai, at chili garlic sauce. Pero dahil nga patok ngayon ang grilled balut, sinubukan din nila ito.

Sa halagang ₱35 ay makabibili ka na ng isang grilled balut na may special chili garlic sauce na sila mismo ang may gawa.

Kung hindi ka naman kumakain ng balut pero gusto mo ng maanghang at masarap na sawsawan, maaari kang makabili ng chili garlic sauce nila sa halagang ₱55.

Matatagpuan ang food stall ni Torrefiel sa Cebu Carbon Market tuwing Biyernes, Sabado, at Linggo mula 3 PM hanggang 12 ng madaling araw.

Samantala, masaya ang pamilya ni Torrefiel nang mabasa nila ang mga komento ng netizens.

"'Yung makita namin [ang] daming comment, masaya ang pamilya ko," aniya sa Balita.

Narito ang ilan sa mga kwelang reaksyon ng netizens:

"Pass. Nakadila yung sisiw."

"Grilled Balutwith chille garlic sauce."

"pass. Dumidilat na yung balut"

"Ang cute nang sisiw"

"ayoko to nakadila yong sisiw"

"pass haba na ng buhok ng sisiw HAHAHHAHA"

"Grilled balut 7 years old"