Naglabas na rin ng kanilang Holy Week schedule ang pamunuan ng Light Rail Transit Line 1 (LRT-1).

Sa abiso ng Light Rail Manila Corporation (LRMC), na siyang nangangasiwa sa operasyon ng LRT-1, nitong Martes ng gabi, nabatid magsususpinde sila ng operasyon mula Abril 6, Huwebes Santo, hanggang Abril 9, Linggo ng Pagkabuhay o Easter Sunday.

Ito'y bilang pakikiisa sa Mahal na Araw, na isa sa pinakabanal na okasyon para sa mga Katoliko.

Layunin nitong bigyang-daan na rin ang pagdaraos ng kanilang taunang maintenance activities at mga kinakailangang upgrades sa kanilang sistema.

National
PBBM sa National Teacher's Day: 'I wish you a joyful and productive celebration'

PBBM sa National Teacher's Day: 'I wish you a joyful and productive celebration'

"LRMC is set to conduct its annual maintenance activities and necessary upgrades of the system. LRT-1 operations will be temporarily suspended from 06 April 2023 (Holy Thursday) to 09 April 2023 (Easter Sunday)," abiso pa ng LRMC.

Inaasahang magbabalik sa normal ang operasyon ng LRT-1 sa Lunes, Abril 10.

"NORMAL OPERATIONS of LRT-1 along existing line – Baclaran to Roosevelt Station will RESUME on 10 April (Monday)," anito pa. "Salamat po sa pag-unawa. Ingat po sa biyahe!" 

Matatandaang una nang nagpaabiso ang pamunuan ng Metro Rail Transit Line 3 (MRT-3) at LRT Line 2 (LRT-2) na apat na araw na magsususpinde ng operasyon sa Mahal na Araw upang bigyang-daan ang kanilang taunang maintenance activities.