SUBIC, Zambales -- Timbog ang isang drug den operator at ang apat nitong kasamahan sa loob ng isang drug den kasunod ng isinagawang buy-bust operation sa Brgy. Matain, Subic nitong Sabado, Marso 11.
Kinilala ng Philippine Drug Enforcement Agency (PDEA) region 2 ang mga suspek na sina Roberto Javier, Aljan Jawatan, Dnate Manalili, Rodrigo Yap, at Ainal Mulabi.
Nasamsam mula sa mga suspek ang pitong heat-sealed transparent plastic sachets na naglalaman ng hindi bababa sa 15 gramo ng umano'y shabu na may halagang P103,500; assorted drug paraphernalia, at buy-bust money.
Ang nasabing operasyon ay isinagawa ng operatiba ng PDEA Zambales Provincial Office at local PNP.
Probinsya
