Nakumpiska ng pulisya ang mahigit P324,000 halaga ng iligal na droga at nakuwelyuhan ang 24 na suspek sa serye ng anti-illegal drug operation na inilunsad sa Malabon City at Quezon City, Martes, Marso 7.
Isinagawa ng Quezon City Police District (QCPD) ang kanilang anti-illegal drug campaign na nagresulta sa pagkakaaresto sa 21 drug suspects. Nakuha rin sa kanila ang P270, 400 halaga ng umano'y shabu at marijuana.
Isa sa mga buy-bust ay isinagawa ng QCPD Novaliches Station (PS 4) sa Sitio Aguardiente, Brgy. Ang Sta. Monica, Novaliches, QC bandang alas-4 ng umaga.
Arestado sa operasyon sina Dexter Cuenco, Grace Balisi, at Remeo Balisi na nakuhanan ng P95,200 halaga ng shabu.
72 PDL's ng Manila City Jail, naka-enrol sa PUP Open University
Samantala, nakuha rin ng Malabon City Police Station (MCPS) ang P53,720 halaga ng hinihinalang shabu at naaresto ang tatlong lalaki sa parehong araw.
Kinilala ni Col. Amante Daro, hepe ng MCPS, ang mga suspek na sina Gilbert Haban, 36, ng Navotas City; John Willie Bartolome, 23; at Joh Ezekiel Noga, 19, kapwa taga-Caloocan City.
Arestado ang mga ito sa isang entrapment operation sa P. Aquino Road, Brgy. Tugatog, Malabon City bandang 12:45 a.m.
Nakuha mula sa mga suspek ang 7.9 gramo ng umano'y shabu, isang dilaw na coin purse, at ang buy-bust money.
Sasampahan ng kasong paglabag sa Republic Act 9165 o Comprehensive Dangerous Drugs Act of 2002 ang lahat ng mga suspek.
Aaron Homer Dioquino
