Iniulat ng Department of Health (DOH) nitong Lunes, Marso 6, ang kabuuang 913 bagong kaso ng Covid-19 na naitala noong nakaraang linggo.
Sa kanilang weekly case bulletin, sinabi ng DOH na ang daily average cases ay kasalukuyang nasa 130 na 10 porsiyentong mas mababa kaysa sa mga kaso noong Feb. 20 hanggang Feb. 26.
Walang naitalang malubha at kritikal na kaso ang DOH. Sa kasalukuyan, mayroong 395 malubha at kritikal na admission na 10.9 porsyento ng kabuuang Covid-19 admissions.
Sa kabilang banda, 263 sa 1,978 o 13.3 porsyento ng Intensive Care Unit (ICU) beds ang ginagamit, habang 2,840 sa 16,871 o 16.8 percent ng non-ICU beds ang okupado.
50.78% examinees, pasado sa Nov. 2024 Licensure Exam for Agriculturists
Samantala, na-verify din ng DOH ang 56 pang nasawi dahil sa Covid-19 nitong nakaraang linggo. Binanggit nito na dalawang pagkamatay ang naganap mula Pebrero 20 hanggang Marso 5.
Sa 56 na pagkamatay, 10 ang naganap noong Pebrero 2023, isa noong Marso 2022, lima noong Pebrero 2022, pito noong Enero 2022, isa noong Disyembre 2021, lima noong Oktubre 2021, lima noong Setyembre 2021, lima noong Agosto 2021, isa noong Hulyo 2021, isa noong Hunyo 2021, lima noong Mayo 2021, lima noong Abril 2021, tatlo noong Marso 2021, isa noong Pebrero 2021, at isa noong Nobyembre 2020.
Sa mga tuntunin ng pagbabakuna sa Covid-19, kabuuang 73,889,558 indibidwal ang ganap na nabakunahan habang 21,577,728 ang nakatanggap ng mga booster o karagdagang dosis.
Dhel Nazario
