Pinahanga ng tandem at real-life Pinoy couple na sina Jervin at Anjanette Minor o "The Power Duo" ang mga hurado at live audience ng America’s Got Talent: All Stars” (AGT) finale performance noong Pebrero 21.
Nagpaulan ng papuri para sa kanila ang AGT judges na sina Heidi Klum, Howie Mandel, at Simon Cowell nang sayawin na nila ang “In The Stars” ni Benson Boone.
“You two were born to do this together. It is so beautiful to watch you two dance. I wasn’t sure if you were crying in the middle of it," komento ni Klum.
“It’s beautiful to watch and you make it seem effortless so best of luck to you,” sey naman ni Mandel.
Pope Francis, may inelbow na Cardinal; hindi raw pwedeng sumali sa conclave?
Papuri naman ni Cowell, “I think, on a show like this you got to be good, you got to be better than you were when we first saw you, and you got to be likable and you achieved all three.”
Hindi umano makapaniwala ang dalawa na aabot sila sa finals, dahil nagkaroon umano ng technical difficulties sa kanilang lubid noong sila ay nag-audition gamit ang awiting “You’re The Reason” ni Calum Scott.
“We want to make our country proud, our family proud, our son proud,” pahayag ni Anjanette nang tawagin sila para sa final performance.
Naglaban-laban ang mga nagwaging contestants sa iba't ibang Got Talent franchises, hanggang sa makabuo ng Top 11. Ihahayag ang mananalo sa Lunes, Pebrero 27.
Nakilala ang The Power Duo nang magwagi sa 5th season ng Pilipinas Got Talent (PGT) noong 2016.
Lumahok naman sila sa Asia’s Got Talent noong 2019, at nakapasok sila sa Top 3.
Narito ang kanilang hinangaang final performance:
