Quezon province, niyanig ng magnitude 4.8 na lindol

By MJ Salcedo

February 20, 2023

In BALITA National

Niyanig ng magnitude 4.8 na lindol ang probinsya ng Quezon nitong Lunes ng umaga, Pebrero 20, ayon sa Philippine Institute of Volcanology and Seismology (Phivolcs).

Sa tala ng Phivolcs, nangyari ang nasabing lindol na tectonic ang pinagmulan kaninang 11:09 ng umaga.

Namataan ang epicenter ng lindol 76 kilometro ang layo sa hilagang-silangan ng Jomalig, Quezon, na may lalim na 2 kilometro.

Naramdaman ang Intensity II sa Quezon City.

Naitala naman ang Instrumental Intensities sa mga sumusunod na lugar:

Intensity IV - Polillo, Quezon

Intensity II - Dingalan and Baler, Aurora;

Intensity I - Malolos City at Plaridel, Bulacan; Mercedes, Camarines Norte; Gapan City, Gabaldon, Nueva Ecija; Infanta, Alabat, at Guinayangan, Quezon

Wala namang inaasahan ang Phivolcs na posibleng aftershocks nito.

Wala rin umanong inaasahang magiging pinsala ang nasabing pagyanig.

PUP nagbukas na rin ng klase para sa female PDLs ng Manila City Jail

Ibinalita ng Polytechnic University of the Philippines Open University System (PUP OUS) na nagsagawa na rin sila ng on-site classes para sa mga babaeng 'Persons Deprived with Liberty (PDLs)' sa Manila City Jail, araw ng Lunes, Setyembre 30.Ayon sa kanilang Facebook page, ang degree program na offer nila sa female PDLs ay Bachelor of Science in Business Administration major in Marketing...

‘Julian,’ palayo na sa Batanes, kumikilos pa-boundary ng PAR – PAGASA

Papalayo na ang bagyong Julian sa Batanes at kumikilos ito patungo sa northwestern boundary ng Philippine area of responsibility (PAR), ayon sa Philippine Atmospheric, Geophysical and Astronomical Services Administration (PAGASA) dakong 5:00 ng hapon nitong Lunes, Setyembre 30.Sa tala ng PAGASA, huling namataan ang sentro ng Typhoon Julian 95 kilometro ang layo sa west southwest ng Itbayat,...

PBBM sa pagkalas ni Sen. Imee sa senatorial lineup niya: ‘That’s fine, that’s her choice’

Inihayag ni Pangulong Ferdinand “Bongbong” Marcos Jr. na ayos lamang sa kaniya ang naging desisyon ng kaniyang ateng si Senador Imee Marcos na kumalas sa kaniyang senatorial lineup at tumindig mag-isa bilang kandidato sa 2025 midterm elections.Sa panayam ng mga mamamahayag nitong Martes, Setyembre 30, sinabi ni PBBM na naiintindihan niya ang hindi pagtakbo ni Sen. Imee sa pagkasenador sa...