KAHRAMANMARAS, Türkiye — Himalang hinugot nang buhay ng mga rescuer ang isang dalawang buwang-gulang na sanggol at isang matandang babae mula mga gumuhong gusali nitong Sabado, limang araw matapos ang lindol na nagpadapa sa Türkiye at Syria na kumitil na ng nasa 25,000 katao.
Sampu-sampung libong mga lokal at internasyonal na rescue worker ang patuloy na nagsusumikap sa mga pinadapang mga gusali sa kabila ng pagyeyelo ng panahon na nagpadagdag sa paghihirap ng milyun-milyong ngayon ay lubhang nangangailangan ng tulong.
Gayunpaman, itinigil ng mga sundalong Austrian at mga rescuer ng Aleman ang kanilang paghahanap sa southern Hatay, habang binanggit ang isang mahirap na sitwasyon sa seguridad at mga sagupaan sa pagitan ng mga lokal na grupo, nang hindi nagbibigay ng karagdagang mga detalye.
Sa gitna ng labis na pagkawasak at kawalan ng pag-asa, ang mga mahimalang kwento ng kaligtasan ang patuloy na lumilitaw.
China, inalmahan maritime laws na pinirmahan ni PBBM
"Nandiyan ba ang mundo?" tanong ng 70-anyos na si Menekse Tabak habang siya ay hinila palabas mula sa mga guho sa katimugang lungsod ng Kahramanmaras — ang sentro ng 7.8-magnitude na pagyanig noong Lunes — na nagpapalakpak at nagsusumigaw para papurihan ang Diyos, ayon sa isang video na ibinahagi sa broadcaster ng estado na TRT Haber.
Sa lungsod ng Antakya, isang dalawang buwang gulang na sanggol ang natagpuang buhay 128 oras pagkatapos ng lindol, iniulat ng state news agency na Anadolu.
Isang dalawang taong gulang na batang babae, isang anim na buwang buntis, kasama ang isang apat na taong gulang at ang kanyang ama, ay kabilang sa mga nailigtas din limang araw pagkatapos ng lindol, iniulat ng Turkish media.
Samantala, sa timog bahagi ng Türkiye, ang mga magkakapamilya ay namataang nagyakapan sa huling hantungan sa isang cotton field na ginawang sementeryo na tila walang katapusang bangkay ang dumarating para agad na mailibing.
Nagpapalubha ng mabigat nang pagdadalamhati, nagbabala ang United Nations na hindi bababa sa 870,000 katao ang apurahang nangangailangan ng mainit na pagkain sa buong Türkiye at Syria. Sa Syria lamang, hanggang 5.3 milyong tao ang maaaring nawalan ng tirahan.
Isang tawiran naman sa hangganan sa pagitan ng Armenia at Türkiye ang nagbukas sa unang pagkakataon sa loob ng 35 taon noong Sabado upang payagan ang limang trak na nagdadala ng pagkain at tubig sa rehiyong naapektuhan ng lindol.
Agence-France-Presse
