₱16.8M kush mula U.S., hinuli ng BOC, PDEA sa Pasay City

By Rommel Tabbad

February 12, 2023

In BALITA

Bilang bahagi ng pinaigting na kampanya ng gobyerno laban sa iligal na droga, nasabat ng Bureau of Customs (BOC) ang aabot sa ₱16.8 milyong halaga ng kush o high-grade marijuana mula sa California, United States of America, sa isang warehouse sa Pasay City nitong Sabado.

Dalawa ring suspek na consignee ng balikbayan box na naglalaman ng nasabing droga ang inaresto ng mga tauhan ng BOC-Ninoy Aquino International Airport (NAIA), Philippine Drug Enforcement Agency (PDEA) at NAIA Inter-Agency Drug Interdiction Task Group (NAIA-IADITG) sa ikinasang controlled delivery operation sa Antipolo, Rizal nitong Pebrero 11.

Hindi na muna isinapubliko ang pagkakakilanlan ng dalawang suspek habang iniimbestigahan pa ang kaso.

Nauna nang pinigil ang nasabing package sa Pair Cargo warehouse sa Pasay matapos madiskubre na naglalaman ito ng 12,000 gramo ng kush, salungat sa idineklarang naglalaman ng personal effects.

Pansamantalang nakakulong sa PDEA ang dalawang suspek na nahaharap sa kasong paglabag sa Republic Act (RA) 9165 at RA 10863 (Customs Modernization and Tariff Act).

Mayoral bet, pumalag sa isyu ng driver niyang dinakip dahil sa 'food packs'

Nagpaliwanag ang natalong mayoral candidate ng City of San Jose Del Monte, Bulacan na si Atty. Earl Tan hinggil sa isyu ng 62-anyos na driver niyang dinakip ng mga pulis ng San Jose Del Monte City Police Station matapos umanong maaktuhang namimigay ng food packs sa mga botante sa araw mismo ng eleksyon noong Lunes, Mayo 12, 2025, na isa umanong akto ng 'vote-buying.'Ayon sa ulat ng...

Pagkukumpuni sa San Juanico Bridge, posibleng pumalo ng ₱500M—OCD

Inihayag ng Office of the Civil Defense (OCD) na tinatayang aabot umano ng milyong halaga ang pagkukumpuni sa isa sa mga pinakamahabang tulay sa bansa—ang San Juanico Bridge.Sa panayam ng Super Radyo dzBB kay OCD administrator Undersecretary Ariel Nepomucena, posible raw na umabot ng ₱300 hanggang ₱500M ang kakailanganin upang makumpuni ang naturang tulay. “Very rough estimate po ito,...

Giit ni HS Romualdez sa bentahan ng ₱20 na bigas: 'The beginning of a national transformation!'

Nagpahayag ng pagsuporta si House Speaker Martin Romualdez sa muling pagsisimula ng bentahan ng ₱20 na bigas sa ilang Kadiwa market sa bansa.Sa kaniyang pahayag nitong Linggo, Mayo 18, 2025, iginiit ni Romualdez na ito na raw ang simula ng pagbabago.“This is not a one-time rollout. This is the beginning of a national transformation. President Marcos is showing us that with political will and...