Ang lokal na pamahalaan ng Lungsod ng Maynila ay namahagi ng tulong pinansyal sa 935 mga mag-aaral sa pampublikong paaralan sa lungsod nitong Martes, Pebrero 7.
Ang cash assistance ay ang pangalawang batch ng pamamahagi sa ilalim ng Educational Assistance Program (EAP) at ginanap sa pakikipag-ugnayan sa Manila Department of Social Welfare (MDSW) sa San Andres Complex, Manila.
Sinabi ng pamahalaang lungsod na ang mga benepisyaryo ay binubuo ng Grade 1 hanggang Senior Highschool public school students mula sa Baseco at una hanggang ikalimang distrito sa lungsod.
Idinagdag nito na 983 mag-aaral ang nakinabang sa unang batch distribution noong nakaraang taon.
Tinapyasang budget ng opisina ni VP Sara, ‘di na dapat baguhin – Sen. Risa
Ang bawat benepisyaryo ay tumanggap ng P5,000, na naglalayong makatulong sa mga gastusin sa edukasyon ng mga estudyante.
Pinangunahan ni Manila Mayor Honey Lacuna-Pangan at MDSW Director Ma. Asuncion Fugoso ang pamamahagi. Pinaalalahanan niya ang mga magulang ng mga estudyante na gastusin ang cash aid para sa mga gastusin sa pag-aaral ng kanilang mga anak, at hindi para sa pagbabayad ng utang.
“Nandito po ang inyong pamahalaan upang makatulong sa inyong mga anak at mga apo. Ito po ay isang tulong na ibinibigay ng pamahalaang lungsod ng Maynila sa bawat batang Maynila para sa kanilang pag-aaral,” anang alkalde.
Diann Ivy Calucin
