2 dayuhang peke travel documents, timbog sa NAIA

By Balita Online

February 07, 2023

In BALITA

Natimbog ng mga awtoridad ang isang Chinese at isang Indian matapos silang mahulihan ng pekeng travel documents sa Ninoy Aquino International Airport (NAIA) kamakailan, ayon sa pahayag ng Bureau of Immigration (BI) nitong Lunes.

Unang inaresto si Zhang Yang, 30, sa NAIA Terminal 2 nitong Linggo, sabi ni BI Border Control Investigation Unit (BCIU) chief Dennis Alcedo.

Natuklasang peke ang pasaporte ni Yang matapos maharang sa NAIA nang magtangkang lumabas ng bansa patungong Bangkok, Thailand sakay sana ng Philippine Airlines nitong Pebrero 5.

Bukod dito, nadiskubre rin na matagal nang blacklisted si Yang dahil sa paglabag sa mga kondisyon ng pananatili nito sa bansa.

Dinakma naman sa NAIA Terminal 1 ang Indian na si Malkeet Singh, 42, matapos dumating sa bansa mula Singapore sakay ng Scoot Airline nitong Lunes ng umaga.

Napansin ng mga tauhan ng BI na peke ang Philippine arrival stamp sa pasaporte ni Singh kaya agad siyang dinampot.

Philippine News Agency

Kiko Pangilinan, nakiramay sa pagpanaw ni Johnny Dayang

Nakikiramay si senatorial aspirant Kiko Pangilinan sa pagpanaw ng batikang mamamahayag na si Johnny Dayang noong Abril 29.Si Dayang ay pinatay sa loob ng kaniyang bahay sa Kalibo, Aklan, habang nanonood ng telebisyon. BASAHIN: Veteran journalist, pinatay sa loob ng bahay habang nanonood ng TV'On behalf of Sharon and our family, my deepest condolences go to Johnny Dayang’s loved ones and...

Congressional bet sa Quezon, pinatawan ng disqualification case dahil sa vote buying

Ipinadiskwalipika ng Commission on Elections (Comelec) ang kandidatura ng Congressional candidate ng 3rd district ng Quezon na si Mayor Matt Erwin Florido matapos ang umano’y voter buying nito sa isang campaign sortie noong Abril 5 at 6.Sinasabing namigay umano ng envelope na may lamang pera ang isa sa mga representative ni Florido sa audience.Sa panayam ng media kay Comelec chairman George...

Nakatulog na driver ng bus, inararo mga sasakyan sa SCTEX, 10 patay!

Hindi pa rin tukoy ng mga awtoridad ang apat sa 10 katao na nasawi sa karambola ng mga sasakyan sa SCTEX noong Huwebes ng tanghali, Mayo 1, 2025. Ayon sa mga ulat, nahirapan umano ang rescue team ng Tarlac Provincial Disaster Risk Reduction and Management Council (PDRRMO) na matanggal ang ilang mga nasawing biktima na matindi umanong naipit sa pagbangga ng isang bus sa tinatayang apat na...