Mayroon pa ring 139,602,248 na hindi rehistradong Subscriber Identity Module (SIM) cards sa Pilipinas batay sa pinakahuling tally na inilabas ng National Telecommunications Commission (NTC).
Ang mandatoryong pagpaparehistro, na magtatapos sa Abril 26, 2023, ay naglalayong wakasan ang mga cybercrime gaya ng talamak na mobile phishing at text scam. Sa ilalim ng Republic Act No. 11934, na kilala rin bilang SIM Registration Act, ang hindi pagsunod sa batas ay magreresulta sa permanenteng pag-deactivate ng card ng isang user.
Ang pinakahuling data ng NTC na inilabas noong Lunes, Peb. 6, ay nagpakita na 17.38% o 29,375,525 SIM lamang ang nakarehistro noong Linggo, Peb. 5. Ito, mula sa 168,977,773 na mga card sa buong bansa.
Gayunpaman, ipinaliwanag ni Department of Information and Communications Technology (DICT) Undersecretary Anna Mae Lamentillo na "hindi nila inaasahan na lahat ng 168 milyong subscriber ay magrerehistro ng kanilang mga SIM."
Romina, patuloy na kumikilos pahilaga; hindi na nakaaapekto sa Kalayaan Islands
Upang makapagparehistro, dapat ibigay ng isa ang sumusunod: buong pangalan, petsa ng kapanganakan, kasarian, kasalukuyang tirahan, wastong kard ng pagkakakilanlan, at numero ng kard ng pagkakakilanlan. Ang mga ito ay kokolektahin at iimbak ng mga public telecommunication entity (PTEs).
Charie Mae F. Abarca
