Makararanas pa rin ng katamtamang pag-ulan sa Luzon nitong Sabado, Pebrero 4, bunsod ng northeast monsoon o amihan, ayon sa Philippine Atmospheric, Geophysical and Astronomical Services Administration (PAGASA).
Sa tala ng PAGASA kaninang 4:00 ng madaling araw, magkakaroon ng kaulapan na may kasamang katamtamang pag-ulan sa Metro Manila at iba pang bahagi ng Luzon dahil sa amihan.
Wala namang inaasahan ang PAGASA na masamang magiging epekto ng pag-ulan dito.
Samantala, magiging maulap na may panaka-nakang pag-ulan o thunderstorms sa mga bahagi ng Visayas, Mindanao, at Palawan na dulot naman ng localized thunderstorms.
‘What kind of country is this?’ VP Sara, pinuna ‘di raw pag-aksyon ng gov’t sa banta sa kaniya
Ayon sa PAGASA, posibleng magkaroon ng pagbaha at pagguho ng lupa sa mga nasabing lugar tuwing magkakaroon ng malakas na thunderstorms.
