Eksklusibong nakapanayam ng Balita ang isa sa cast members ng pinakabagong teleserye ng ABS-CBN na “Dirty Linen” at nagbabalik-showbiz na si Xyriel Manabat.
Ginagampanan ni Xyriel ang karakter ni Tonet na kamakailan ay pinuri ng netizens dahil sa tila hindi pagkupas nang husay sa pag-arte nito. Isang netizen pa nga ang nagbahagi na si Xyriel ay dalawang beses nang nanalo ng tropeyo sa FAMAS noong siya ay child star pa lamang.
https://twitter.com/altstarmagic/status/1620780573034962945?s=46&t=K5Thw17VAF5_dkJgeuhGMQ
#WalangPasok: Class suspensions ngayong Biyernes, Sept. 20
Ikinatuwa naman ni Xyriel ang pagtanggap at magagandang komento sa kanya ng netizens.
“To say that I am thankful is an understatement po! Grabe po sobrang nakakataba po sa puso na marami po ang nakaka-appreciate at pumupuri sa mga pinaghirapan po namin. Nakakagana po na mas pag-igihan ko sa lawak ng mga sumusuporta at patuloy na nagtitiwala po sa kakayanan ko. Parang nakakapush po na mas bigyan ko sila ng rason para suportahan at paniwalaan pa po ako,” lahad ng teen star.
Masaya rin si Xyriel na napabilang siya hilera ng mahuhusay na artista sa nasabing teleserye. Isa sa mga pinupuri sa “Dirty Linen” ay ang “mata-mata” acting ng mga karakter dito.
“Sobra po akong nalula sa mga kasamahan ko po. Grabe po nakakatuwa na magsasama-sama po sa isang palabas yung mga iniidolo kong batikan na mga aktor at mas lalo pa pong nakakatuwa na kasama po ako sa pagsasama-sama nilang iyon. Talaga pong nakakagana na magtrabaho at bigyang hustisya bawat eksena at ang karakter po na ginagampanan ko po,” aniya.
Kwelang sinagot naman ng aktres ang tanong kung ano pa ang dapat abangan sa karakter niya bilang Tonet.
“Siyempre kung gaano siya kababaw, bukod sa mga linya niyang maraming nakakarelate, pakiramdam ko po kaabang-abang yung mga hugot o lalim na hindi niya gaano napapakita dahil madalas nangingibabaw yung pagiging OA at dramatic niya. Pero she’s so much more than just her number of followers po.”
Ilang netizens kabilang na ang social media personality na si Esnyr ang tila ginagamit ng punchline ang linya ni "Tonet" patungkol sa bilang ng followers sa social media.
Mapapanood ang “Dirty Linen” 9:30 ng gabi sa Kapamilya Channel, Kapamilya Online Live, Jeepney TV, A2Z Channel 11, TV 5, iWantTFC at TFC
Kaugnay na Balita: https://balita.net.ph/2023/01/29/dirty-linen-patuloy-na-pinag-uusapan-netizens-may-hula-sa-mga-susunod-na-eksena/
