PhilHealth premium hike, pinasususpindi ng 5 kongresista

By Balita Online

January 29, 2023

In BALITA National

Isinusulong ng limang kongresista na suspendihin muna ni Pangulong Ferdinand Marcos, Jr. ang ipinatutupad na premium increase ng Philippine Health Insurance Corporation (PhilHealth).

Sa House Bill No. 6772, binanggit na hindi pa halos nakababawi ang bansa sa naging epekto ng pandemya ng coronavirus disease 2019 (Covid-19) kung saan karamihan pa rin sa mga negosyo ang hindi pa nagbubukas. Bukod dito, marami pa rin ang walang trabaho.

Paliwanag ni House Speaker Martin Romualdez, isa sa sa nagsusulong ng panukala, mababawasan ang pasanin ng milyun-milyong manggagawa mula sa gobyerno at pribadong sektor, self-employed at iba pang PhilHealth contributors sakaling maisabatas ang panukala.

Makaiipon aniya ng P600 kada taon mula sa kanilang health insurance premium ang mga empleyado sakaling masuspindi ang premium increase.

Kabilang din sa limang kongresista sina Majority Leader Manuel Jose “Mannix” Dalipe, Senior Majority Leader, Ilocos Norte Rep. Ferdinand Alexander Marcos, at Tingog Party-list Reps. Yedda Marie Romualdez at Jude Acidre.

Philippine News Agency

Vilma Santos, 2 pang anak posibleng pamunuan ang buong Batangas?

Hindi lang daw pala si Star for All Seasons Vilma Santos-Recto ang tatakbo sa darating na midterm elections ayon kay showbiz columnist Cristy Fermin.Sa latest episode ng “Cristy Ferminute” nitong Lunes, Setyembre 30, sinabi ni Cristy na kasama rin ni Vilma sa pagkandidato ang dalawa pa niyang anak na sina Luis Manzano at Ryan Christian Recto.“Ang Star fo All Seasons Vilma Santos tatakbong...

VP Sara 'sinuway' ang nanay, nagpa-tattoo kay Apo Whang-Od

Ibinahagi ni Vice President Sara Duterte ang pagpapalagay niya ng tattoo sa 107-anyos at pinakamatandang mambabatok na si Apo Whang-Od, na matatagpuan sa Buscalan, Kalinga Province.Sa Facebook page na Sara Region VI, makikita ang pagpapa-tattoo ni Duterte kay Apo Whang-Od, na aniya, ay pinagbawalan na raw ng kaniyang inang si Elizabeth Zimmerman na magpadagdag ng burda sa katawan, subalit sa...

PBBM, may napipisil nang kapalit ni Abalos bilang kalihim ng DILG

Ipinahayag ni Pangulong Ferdinand “Bongbong” Marcos Jr. na may napipisil na siyang kapalit ni senatorial aspirant Benhur Abalos bilang kalihim ng Department of the Interior and Local Government (DILG).Sa panayam ng mga mamamahayag nitong Lunes, Setyembre 30, sinabi ni Marcos dalawa ang nasa “shortlist” niya ng posibleng pumalit kay Abalos sa DILG.Nang tanungin naman ang pangulo hinggil sa...