Maraming netizens ang naka-relate sa post ng Grade 10 student na si Franziela Erykha Salang kung saan sinasaway umano siya ng kaniyang lola dahil sa nagdo-drawing na nga ito ay nagfa-Facebook pa.
Sa panayam ng Balita Online, ibinahagi ni Salang na nakagawian na raw talaga niyang humawak ng cellphone kahit na ano pa ang ginagawa niya.
“Bilang isang gen-z po na adik na adik sa kaka-cp, kahit saan po ay dala-dala ko ‘yung phone ko. Kaya po napansin ako ng lola ko,” natatawang kuwento niya.
May pagka-istrikto daw talaga at protective ang lola ni Salang dahil ito ang nagpalaki sa kaniya. Ngunit may pagka-istrikto man, very supportive daw ito sa kinahihiligan niyang pagguhit.
'Iconic women!' Pinakamalaki at pinakamaliit na babae sa buong mundo, nagkita!
Kahit na panay ang cellphone at pagguhit nito, priority pa rin naman daw ni Salang ang kaniyang pag-aaral lalo’t malapit na siyang magtapos ng Junior High School.
Sa ngayon ay mayroon nang 4,700 reactions, 66 comments, at 657 shares ang nasabing post. May kani-kaniyang pakulo at galawang “multi-taskerist” din ang netizens sa comment section.
“Ako nga may sketchbook in front ng Netflix, nakatulog... multitasking talaga 
“Ako na nagno-notes habang nanonood habang nagche-chess,” bahagi rin ng isa.
“Me habang nagpe-plates hahahaha!”
“ML habang nagdo-drawing tsaka nagsusulat ng lecture.”
“Fb na may kaunting drawing,” pabiro namang komento ng isang netizen.
–
Nais mo bang mai-feature ang iyong storya o ‘di kaya mayroon kang larawan at video na gusto mong i-share? I-message mo lang kami sa amingFacebookatTwitter!
