Nabigo ng mga ahente ng Bureau of Customs (BOC) ang umano'y tangkang pagpuslit ng humigit-kumulang P160 milyong halaga ng sigarilyo sa operasyon sa Mindanao Container Terminal Port sa Misamis Oriental.
Ang mga sigarilyo ay isinakay sa dalawang container van na idineklarang personal effects.
Ngunit sa pag-inspeksyon, napag-alaman na naglalaman ang mga ito ng 2,000 master case ng “New Berlin” na sigarilyo.
Agad namang nagpalabas ng Pre-Lodgement Control Order (PLCO) si District Collector Alexandra Yap-Lumontad laban sa subject shipment dahil sa posibleng paglabag sa Sec. 1400 ng R.A. 10863, o mas kilala bilang Customs Modernization and Tariff Act.
Empleyadong lasing, patay matapos sapakin ng ginising na katrabaho
Maglalabas ng Warrants of Seizure and Detention (WSD) laban sa mga smuggled na sigarilyo para sa misdeclaration, sinabi ng BOC sa isang pahayag.
Aaron Recuenco
