JobStreet, naglabas ng sampung trabahong in-demand sa bansa ngayong taon

By MJ Salcedo

January 21, 2023

In BALITA National

Nilabas ng employment platform na JobStreet nitong Sabado, Enero 21, ang sampung trabahong pinaka in-demand sa Pilipinas ngayong taon.

Sa internal database ng JobStreet mula September 2022, nanguna sa may pinakamaraming job openings ang customer service representative. Pagtuturo naman ang pumangalawa sa listahan.

Bukod dito, nasa top 3 to 5 ang mga trabahong administrative officer, call center operator at nurse.

Pasok din sa sampung in-demand na trabaho ang software engineer, team leader, business analyst, sales associate, at engineer.

Samantala, nanguna naman ang industriya ng call center, information technology-enabled services, and business processing outsourcing sa paghahanap ng mga aplikante sa bansa. Sinundan ito ng human resources management and consulting, at ng industriya ng pagtuturo.

Nasa listahan din ng sampung nangunguna sa paghahanap ng aplikante ang industriya ng retail and merchandise; government and defense; computer and information technology (software); manufacturing and production; electrical and electronics; banking and financial services; at ang industriya ng construction, building, and engineering.

Ayon sa JobStreet, bumalik na sa pre-pandemic level ang job market sa bansa dahil parami na nang parami ang mga kompanyang unti-unting nagbubukas ng oportunidad sa mga naghahanap ng trabaho.

Riot sa basketball championship sa Muntinlupa, iimbestigahan ni Mayor Biazon

Ikinalungkot ni Muntinlupa Mayor Ruffy Biazon ang nangyaring kaguluhan sa championship game ng dalawang barangay sa lungsod sa ginanap na La Liga de Muntinlupa Basketball Tournament 2024 nitong Hulyo 5.Nangyari ang kaguluhan nang magkaroon ng komprontasyon sa pagitan ng isang player at ng referee. Dahilan para magtungo ang mga tao sa loob ng court at nagbabato ng mga monoblock chairs at mga bote...

Petisyong kanselahin birth certificate ni Alice Guo, inihain ng OSG

Pormal nang inihain ng Office of the Solicitor General (OSG) sa Tarlac City Regional Trial Court ang petisyong kanselahin ang birth certificate ni suspended Bamban, Tarlac Mayor Alice Guo.Base sa ulat ng Manila Bulletin, inihain ng OSG, sa ngalan ng Philippine Statistics Authority (PSA), ang petisyon ng pagkansela ng certificate of live birth (COLB) ni Guo nitong Biyernes, Hulyo 5.Inihayag ng OSG...

Go sa isinampang kaso ni Trillanes sa kanila ni FPRRD: 'Our conscience is clear'

Itinanggi ni Senador Bong Go na may katotohanan ang tungkol sa kasong plunder at graft na inihain ni Senador Antonio Trillanes IV laban sa kanila ni dating Pangulong Rodrigo Duterte.Matatandaang nitong Biyernes, Hulyo 5, nang maghain si Trillanes ng plunder at graft complaints laban kina Go at Duterte sa Department of Justice (DOJ) kaugnay ng umano’y anomalya sa kabuuang ₱6.6 billion...