Nilinaw ni Kapuso trivia master Kuya Kim Atienza na wala siyang masamang intensiyon sa kaniyang pagbibigay-reaksiyon at saloobin sa usap-usapang Facebook post ng social media personality-actress na si Donnalyn Bartolome, tungkol sa pagbabalik-trabaho pagkatapos ng holiday season.

"Bakit may sad dahil back to work na? Diba dapat masaya ka kasi may chance ka na pagandahin buhay mo at ng pamilya? Trip ko pa nga may work ng January 1 dahil superstition ko may work ako buong taon pag ganun. Dapat grateful kasi may work," pahayag ni Donnalyn.

"If work makes you unhappy, I hope you find a job that will. Yung pakikiligin ka and sheet 🥹 Anyway, this is just a reminder that having a job is a blessing bessss change mindset, it’s 2023!!" aniya pa.

Ibinahagi naman ito ni Kuya Kim sa kaniyang Facebook post at saka kinomentuhan.

Kuya Kim, nagbigay ng reaksiyon sa 'balik-trabaho' post ni Donnalyn

"To do something you enjoy and get paid for it is a blessing. Some are not blessed this way despite the fact that they try so hard to find work they enjoy. They are blessed differently naman. A good wife? Beautiful kids? Good health? Iba iba ang blessings. Ibat iba din ang diskarte sa ibat ibang break sa buhay. Just my 2 centavos. Back to you guys," ani Kuya Kim.

Sa comment section ng kaniyang post ay may disclaimer si Kuya Kim.

"Good morning FB fam! This post is not meant to put down Donnalyn in any way. She is coming from a good place. The post just hit a raw nerve on the majority of the working public."

"Mabait si Donnalyn," anang trivia master-TV host.

Wala pang tugon, reaksiyon, o pahayag si Donnalyn tungkol dito.