NUEVA VIZCAYA — Inaresto ang isang pulis matapos umanong magpaputok ng baril habang lasing sa Brgy Tuao North, Bagabag, Nueva Vizcaya.
Isang lokal na istasyon ng radyo ang nag-ulat noong Linggo na natukoy ng Bagabag Police ang suspek na si Patrolman Abrio, 30, miyembro ng PNP SAF na nakatalaga sa 145th Special Action Company, 14SAB PNP SAF sa Lamut, Ifugao at residente ng Mercedes, Eastern Samar.
Ang pag-aresto sa kanya ay ipinatupad nang maghatid ng impormasyon sa pulisya ang isang concerned citizen na isang lalaking naka-sibilyan ang nagpaputok umano ng hindi pa matukoy na kalibre ng baril nitong Bagong Taon.
Nahuli ng mga awtoridad ang nasabing pulis sa labas ng isang videoke bar at halatang nasa impluwensya ng alak.
5 buwang sanggol, natabunan sa landslide sa Davao City
May bitbit siyang baril na may marka ng property ng PNP at serial number.
Narekober ang isang bala ng kalibre 9mm at isang magazine na may labintatlong bala ng kalibre 9mm na nakalagay sa kanyang sling bag.
Isasailalim ang suspek sa paraffin test at ballistics test na nasa kustodiya na ngayon ng PNP Bagabag.
