Inaresto ng mga ahente ng Bureau of Immigration (BI) ang isang 36-anyos na Filipino-American professional basketball player dahil sa paggamit umano ng pekeng Philippine passport.
Sa isang pahayag, sinabi ng BI na si Avery Roberto Scharer ay nahuli noong Huwebes, Disyembre 15, sa Ninoy Aquino International Airport (NAIA) Terminal 1 matapos mapansin ng isang opisyal ng Immigration ang malalaking pagkakaiba at iregularidad sa kanyang Philippine passport.
Kararating lang ni Scharer sakay ng Philippine Airlines flight mula Canada nang iharap niya sa immigration officer sa arrival area ang kanyang American at Philippine passport.
Inirefer ng BI officer ang travel document sa kanyang duty supervisor na nag-endorso nito sa forensic documents laboratory ng bureau para sa pagsusuri.
Comelec, walang nakikitang rason para suspindehin pagkapanalo ni De Lima
“The forensic laboratory later issued a certification confirming its findings that the Philippine passport presented by Scharer is fraudulent,” anang pahayag.
“Our forensic equipment confirmed the suspicion of our officers. The Philippine passport he presented contained tampered pages, including the biographical data page. His attempt to conceal these alternations cannot escape the scrutiny of our inspectors,” ani Tansingco.
Nag-post umano si Scharer sa social media na mali na siya ay ikinulong ng mga awtoridad sa imigrasyon pagdating sa NAIA, na pinabulaanan ni Tansingco.
“Posting false information on social media to gain sympathy despite the violation further manifests undesirability. There are no sacred cows, as any foreign national who have violated immigration laws and presented fake documentation will be arrested,” ani Tansingco.
Kalaunan ay itinurn-over si Scharer sa BI legal division para sa inquest proceedings sa mga kasong paglabag sa Philippine Passport Act at sa paggamit ng huwad na dokumento ng imigrasyon. Mananatili siya sa BI’s detention center sa Bicutan, Taguig habang hinihintay ang pagresolba ng kanyang kaso.
Napag-alaman na naglaro si Scharer para sa iba't ibang collegiate, amateur at professional basketball league sa US at Asia. Noong 2015, si Scharer ay na-draft na panglima sa pangkalahatan ng Wang’s Basketball Couriers sa Philippine Basketball Association (PBA) D-League.
Ariel Fernandez
