ISABELA - Nasa₱6.6 milyong halaga ng marijuana ang nasamsam ng mga tauhan ngPhilippine Drug Enforcement Agency(PDEA) at pulisya sa isang operasyon sa Quezon kamakailan.
Sa report ng PDEA-Region 2, pinaghahanap pa ng mga awtoridad ang suspek na si Bryan Appag, taga-Barangay Abut, Quezon, na nakatakas sa nasabing operasyon.
Sa imbestigasyon, nagkasa ng buy-bust operation ang mga ahente ng PDEA-Region 2, Nueva Vizcaya Provincial Office, PDEA Quirino Provincial Office, at Kalinga Regional Force Mobile Battalion 3Rd Company laban kay Appag sa naturang lugar dakong 8:15 ng gabi nitong Disyembre 3.
Gayunman, nakatunog umano si Appag kaya tumakas at inabandona ang ₱6,600,000.00 na halaga ng marijuana bricks na nasa 55 kilo.
Tinatayang 132,000 pamilya, lumikas sa Eastern Visayas dahil sa super typhoon Pepito
Sa kabila nito, inihahanda na ng mga awtoridad ang kasong paglabag sa Section 5, Article 2 ng Comprehensive Dangerous Drugs Act of 2002 (Republic Act 9165) laban kay Appag.
