BAGUIO CITY – Inaasahang dadagsa muli ang mga turista sa Summer Capital ng Pilipinas upang saksihan ang pagbabalik ang crowd-drawing event, ang Panagbenga o Baguio Flower Festival sa Pebrero 2023.
Pormal na ilulunsad ng pamahalaang lungsod at ng Baguio Flower Festival Foundation, Inc. (BFFFI) ang mga aktibidad na nakahanay para sa 2023 Panagbenga sa Disyembre 12 sa city hall grounds kasabay ng regular na flag-raising ceremony.
Sinabi ni Supervising City Tourism Operations Officer Engr. Aloysius Mapalo, ang koordinasyon ay isinasapinal sa foundation para sa aktibidad sa susunod na taon na flower festival kasunod ng mga limitasyon na dulot ng Covid-19 pandemic sa nakalipas na dalawang taon.
Aniya, magbubukas pa rin ang 2023 flower festival sa Pebrero 1, 2023 kung saan gaganaping angelimination round ng mga kalahok na elementarya at sekondarya sa grand street dancing parade.
Pusa hinagis sa dagat para sa content; dalawang menor de edad, timbog
Ang grand street dancing at grand float parades ay isasagawa pa rin sa huling katapusan ng linggo ng Pebrero.
Gayunpaman, iginiit ng city tourism officer na hinihintay pa nila ang desisyon ng pambansang pamahalaan sa state of public health emergency na idineklara ni Pangulong Ferdinand Marcos, Jr. na tatagal hanggang sa katapusan ng taon upang matiyak ang pagpapatupad ng ang pinakamababang pamantayan sa kalusugan ng publiko.
Ang taunang pagsasagawa ng Panagbenga ay isa na ngayong purong pribadong hakbang ng flower festival foundation matapos magdesisyon ang pamahalaang lungsod na putulin ang subsidy na ibinibigay nito sa loob ng maraming tao
