24/7 na libreng sakay sa EDSA Busway ng DOTr, aarangkada na ngayong Huwebes

By Mary Ann Santiago

November 30, 2022

In BALITA

Nakatakda nang umarangkada ngayong Huwebes ang 24/7 na Libreng Sakay sa EDSA Busway.

Ito ay sa ilalim ng Service Contracting Program ng Department of Transportation (DOTr) at Land Transportation Franchising and Regulatory Board (LTFRB).

Nabatid na magsisimula ang programa sa Disyembre 1 at magtatapos hanggang sa Disyembre 31 ngayong taon.

Anang DOTr, ang magdamagang operasyon ng Libreng Sakay ng EDSA Busway ay bilang Pamaskong Handog nila sa publiko.

Base sa inilabas na Board Resolution no. 174 at no. 176 s. 2022, nasa 100 Public Utility Buses (PUBs) ang tatakbo sa EDSA Busway sa extended operational hours, mula 11:01 PM hanggang 3:59 AM habang nasa 650 PUBs naman ang bibiyahe mula 4:00 AM hanggang 11:00 PM.

Tinatayang nasa tatlong round trip ito o anim na single trip mula Monumento station hanggang Paranaque Integrated Terminal Exchange (PITX).

Una nang sinabi ng DOTr na magpapatupad sila ng 24/7 free ride sa EDSA Busway, bilang antisipasyon sa inaasahang pagdagsa ng mga pasaherong mamamasyal dahil sa extended mall hours ngayong Christmas season.

Ang extended mall hours ay nagsimula na nitong Nobyembre 14 na tatagal hanggang Enero 6, 2023, mula 11:00 AM hanggang 11:00 PM.

Bagyong Gener, napanatili ang lakas; malapit na sa WPS

Napanatili ng Tropical Depression Gener ang lakas nito at habang kumikilos papalapit sa West Philippine Sea (WPS), ayon sa Philippine Atmospheric, Geophysical and Astronomical Services Administration (PAGASA) dakong 11:00 ng umaga nitong Lunes, Setyembre 17.Sa tala ng PAGASA dakong 11:00 ng umaga, huling namataan ang sentro ng bagyong Gener sa vicinity ng Kibungan, Benguet.Taglay nito ang lakas ng...

KWF, maglulunsad ng seminar sa pagsasalin

Nananawagan ng lahok ang Komisyon sa Wikang Filipino (KWF) para sa isasagawang SALINAYAN 2024: Online Seminar-Training sa Pagsasalin (Tuon sa Pagsasalin ng Gabay ng Mamamayan).Sa Facebook post ng KWF nitong Martes, Setyembre 17, mababasa ang anunsyo at detalye kaugnay sa nasabing pagsasanay.“Inaanyayahan ang mga pamahalaang lokal (LGUs) na lumahok sa SALINAYAN 2024: Online Seminar-Training sa...

MRT-3, may pa-libreng sakay sa goverment employees para sa Philippine Civil Service anniversary

Maghahandog ng libreng sakay para sa mga kawani ng gobyerno ang Metro Rail Transit Line 3 (MRT-3) bilang pakikiisa sa pagdiriwang ng anibersaryo ng Philippine Civil Service.Ayon sa pamunuan ng MRT-3, magtatagal ang libreng sakay simula Setyembre 18 hanggang Setyembre 20, 2024, sa buong oras ng operasyon nito. 'Binabati at pinasasalamatan po natin ang lahat ng mga empleyado ng gobyerno na...