'The Puto Bumbong to my Bibingka!' Alexa, ipinaliwanag kuwento sa likod ng costume nila ni KD-Balita

'The Puto Bumbong to my Bibingka!' Alexa, ipinaliwanag kuwento sa likod ng costume nila ni KD

Ipinaliwanag ng Kapamilya actress na si Alexa Ilacad ang dahilan kung bakit "puto bumbong at bibingka" ang naisip nilang tema ng katambal na si KD Estrada, sa kanilang isinuot na costume sa kauna-unahang "Star Magical Christmas" na ginanap sa Sheraton Manila Hotel noong Linggo, Nobyembre 27.

KDLex ang namayani bilang "Best Couple" matapos makakuha ng 68% online votes mula sa kanilang mga tagahanga at tagasuporta. Bukod kina KD at Alexa, ilan din sa mga pinagpiliang tambalan ay sina Francine Diaz at Seth Fedelin o "FranSeth", Loisa Andalio at Ronnie Alonte o kilala bilang "LoiNie", at of course, sina Kathryn Bernardo at Daniel Padilla na sikat na sikat bilang "KathNiel".

Bukod sa pagiging Best Couple, sila rin ang nakasungkit ng special awards na "Best in Costume" sa male and female category.

Basahin: https://balita.net.ph/2022/11/29/kdlex-layag-na-layag-best-couple-na-best-in-costume-pa-sa-star-magical-christmas/">https://balita.net.ph/2022/11/29/kdlex-layag-na-layag-best-couple-na-best-in-costume-pa-sa-star-magical-christmas/

Sa kaniyang Instagram story, ipinaliwanag ni Alexa ang kuwento sa likod ng kanilang costume. Aniya, perfect pair para sa kaniya ang puto bumbong at bibingka na lagi niyang nilalantakan sa tuwing sasapit ang mahabang pagdiriwang ng Pasko sa Pilipinas.

"The Puto Bumbong to my Bibingka @kdestrada_," panimula sa text caption ni Alexa sa litrato nila ni KD.

"When I think of Christmas, I am always reminded of my two favorite Pinoy delicacies, Bibingka & Puto Bumbong. It feels like the holidays everytime I see and eat it.- It's my perfect pair! haha (heart emoji). Hope you all liked our concept!" ani Alexa at pinasalamatan ang team na lumikha sa kanilang costume.

KD Estrada at Alexa Ilacad (Screengrab mula sa IG ni Alexa Ilacad)

Sa isa pang Instagram story, ibinahagi ni Alexa ang litrato nila ni KD kung saan flinex nila ang kanilang natanggap na tropeo.

Isinagawa ang pinag-usapan at trending event bilang reunion matapos ang pagkakatigil ng pagdaraos ng events dahil sa kasagsagan ng pandemya, na dinaluhan ng mahigit 100 artists at talents ng Star Magic, ang talent arm management ng ABS-CBN.

Hindi lamang ito basta event dahil ang mga pondong malilikom dito ay mapupunta sa chosen charity ng Star Magic: ito ay "Anawim", isang shelter house para sa mahihirap at inabandonang elderly people na itinatag ng manunulat, preacher, at founder ng "The Feast" na si Bo Sanchez, na matatagpuan sa Rodriguez, Rizal.

Kamakailan lamang, pinarangalan ang KDLex bilang "Asia's Most Promising Loveteam of 2022" sa 6th Asia Pacific Luminare Awards, na ginanap sa Okada Manila.

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...