Inaasahang tataas pa at aabot na sa mahigit ₱267 milyon ang jackpot prize ng UltraLotto 6/58 sa susunod na bola nito sa Martes, Nobyembre 22.

Sa abiso ng Philippine Charity Sweepstakes Office (PCSO), nabatid na walang nakahula sa six-digit winning combination ng UltraLotto 6/58 na 41-52-36-53-49-15 na binola nitong Linggo ng gabi.

Dahil dito, walang nakapag-uwi sa katumbas nitong jackpot prize na tumataginting na ₱258,135,624.

Mayroon namang 12 mananaya ang muntik nang naging multi-milyonaryo matapos na makahula ng tiglimang tamang numero.  Sila ay nakapag-uwi naman ng tig-₱120,000 na second prize.

National
Hontiveros, pinaiimbestigahan napaulat na mga Pinay na ginagawang surrogates abroad

Hontiveros, pinaiimbestigahan napaulat na mga Pinay na ginagawang surrogates abroad

Samantala, batay sa jackpot estimates ng PCSO, nabatid na ang premyo ng SuperLotto 6/49 na bobolahin rin sa Martes ay papalo naman sa mahigit ₱52 milyon habang jackpot prize naman ng Lotto 6/42 ay inaasahang tataas na sa ₱28 milyon sa sunod na bola.

Ang UltraLotto 6/58 ay binobola tuwing Martes, Biyernes at Linggo habang ang SuperLotto 6/49 naman ay may bola tuwing Martes, Huwebes at Linggo.

Ang Regular Lotto 6/42 ay binobola naman tuwing Martes, Huwebes at Sabado.