Hahamunin ng isa na namang ambisyosong architectural project na nakatakdang itayo sa Dubai ang Central Park Tower sa New York, ang kasalukuyang may hawak ng rekord sa pinakamatayog na residential tower sa mundo.
Ito’y kasunod ng inanunsyong pagsasanib-puwersa ng roperty development company na Binghatti at global jewelry brand Jacob and Co para sa isa na namang architectural crown jewel na tatawaging “Burj Binghatti Jacob & Co Residences.”
View this post on Instagram
Trending
'Say aahh' Lalaking nag-aapply ng trabaho, sinubuan habang nasa online interview
Ang luxury hypertower ay sinelyuhan nitong Huwebes, Nob. 11 sa pangunguna ni Binghatti CEO and Head of Architecture Muhammad Binghatti at Jacob & Co Chairman, Founder and Creative Director Jacob Arabo.
“The skyscraper will feature the most lavish penthouses at the highest altitude of the hypertower, each named after Jacob & Co’s flagship timepieces,” mababasa sa hiwalay na Instagram post ng Binghatti.
“Our collaboration with Jacob & Co on this architectural tour-de-force reflects our commitment towards marking a globally groundbreaking feat for Binghatti,” dagdag nito.
Hahamunin ng proyekto ang kasalukuyang 472.4m na Central Park Tower sa New York. Sa Dubai, ang Princess Tower na nasa 393m ang tayog ang kasalukuyang pinakamataas sa bansa.
Samantala, wala pang anunsyo ang Binghatti ukol sa eksaktong taas ng ambisyosong architectural venture.
Kamakailan, isa ring nakalulula at kauna-unahang moon-shaped ultra-luxurious resort ang naiulat na nakatakdang itayo sa parehong bansa.
