Kinaaliwan ng kapwa celebrities ang makagulantang na larawan ni Kapamilya singer Klarisse De Guzman sa isang online post.
Paano ba naman kasi, straight-up vavavoom ang iflinex ng singer suot ang two-piece bikini.
Ngunit ang plot twist, edited lang pala ito mula sa mga larawan ng totoong 2023 Calendar Girl ng Ginebra San Miguel (GSM) na si Yassi Pressman.
Sassa Gurl, proud na ibinalandra pagiging ‘mukhang pera’ sa premier night ng Balota
Nakakaaliw pa ang sumingit na kilalang ice box ng patok na balut-pinoy sa edited na mga larawan ng singer.
Pilyang caption ni Klarisse sa Instagram, “Sorry po @yassipressman 😂😂😂😂😂😂😂.”
Kinaaliwan ng kapwa singers na sina Kyla, Rita Daniela, Lucas Garcia, at bukod sa iba pa ang pilyang IG post.
“Hahahahaha!!!! Yun oh!!!!!” komento na lang ng R&B queen.
“Whatttt,” tila confused na sey ni Rita Daniela.
“Wahahahahahahahaha! Hamberwan!” segunda ng kapwa kapamilya singer na si Lucas Garcia.
Napakomento rin maging ang mga OPM icons na sila Jamie Rivera, at Ogie Alcasid.
“Grabe ang na ni Klarisse…congratulations sa sold out concert and good luck,” ani Jamie na tila hindi namalayan ang edited na larawan.
“Ahahaha!!! Panalo to! Can’t wait makita yan sa concert mo! 🥳” natatawang sey naman ng singer na si Liezel Garcia.
“Grabe ka-sexy!” paggatong ni Melai Cantiveros sa kuwelang larawan ni Klarisse.
Samantala, excited na ang fans at mga kaibigan ng singer sa nalalapit nitong first major solo concert sa Nob. 18.
Natapat din ito sa maagang tenth showbiz anniversary celebration ni Klarisse.
