Paglilinaw ng DOTr: MRT-3, hindi for sale

By Mary Ann Santiago

November 10, 2022

In BALITA

Nilinaw ng Department of Transportation (DOTr) na hindi nila ipinagbibili ang Metro Rail Transit Line 3 (MRT-3).

Ang paglilinaw ay ginawa ng DOTr nitong Miyerkules kasunod ng mga naglabasang ulat na 'for sale' na umano ang MRT-3.

Ayon kay DOTr Secretary Jaime Bautista, ikinukonsidera lamang nila ang posibilidad na i-turn over ang Operations & Maintenance (O&M) ng MRT-3 sa kuwalipikadong private sector operators upang mapaghusay ang operational efficiency nito.

Binigyang-diin din naman ni Bautista na ang railway system ay dapat na manatiling pinaka-affordable at pinaka-ligtas na uri ng mass transit sa bansa.

"We are looking at partnering with private rail operators for DOTr MRT-3’s operations and maintenance under the same scheme with LRT 1 with the rail lines assets remaining government owned," ayon pa kay Sec. Bautista.

Inaasahan aniya nila na kapag naisa-pribado ang O&M ng MRT-3 ay higit pang huhusay ang efficiency at safety ng MRT-3.

Bukod dito, mababawasan rin ang operational cost nito upang mapanatili ang abot-kayang pamasahe.

Nabatid na ang operasyon ng railways sa metropolis, kabilang ang MRT-3, at Light Rail Transit Line 1 (LRT-1) at Line 2 (LRT 2), ay patuloy na sina-subdized ng pamahalaan upang maging mapanatiling affordable ang pasahe nito.

Pusa hinagis sa dagat para sa content; dalawang menor de edad, timbog

Matapos mag-viral at umani ng mga negatibong reaksiyon ang video ng isang pusang inihagis sa dagat, tuluyang nasakote ng pulisya ang dalawang menor de edad na siyang nasa likod ng nasabing video.Kumalat ang nasabing video noong Miyerkules, Setyembre 18, 2024 kung saan makikita ang menor de edad na lalaki na inihagis ang isang pusa patungo sa dagat. Ang nasabing content ay inasistahan din ng isa...

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...