Bumaba pa sa 7.8% na lamang ang seven-day positivity rate ng COVID-19 sa National Capital Region (NCR) habang nasa 0.75 na lamang ang reproduction number nito.
Batay sa datos ng OCTA Research Group na ibinahagi ni Dr. Guido David sa kanyang Twitter account nitong Miyerkules, nabatid na hanggang noong Nobyembre 8, ang positivity rate ng COVID-19 sa NCR ay nasa 7.8% na lamang. Ito ay pagbaba mula sa dating 9.5% na naitala sa rehiyon noong Oktubre 31.
Ang positivity rate ay ang porsiyento ng mga taong nagpopositibo sa sakit mula sa kabuuang bilang ng mga taong isinailalim sa pagsusuri.
Ang reproduction number naman sa NCR ay nananatiling low sa 0.75 na lamang hanggang noong Nobyembre 5.
50.78% examinees, pasado sa Nov. 2024 Licensure Exam for Agriculturists
Ang reproduction number ay ang bilang ng mga taong maaaring ihawa ng sakit ng isang pasyente. Ang reproduction number na mas mababa sa 1 ay indikasyon ng mabagal na hawahan ng virus.
Samantala, ang average daily attack rate (ADAR) sa rehiyon ay nasa 1.54 per 100,000 na lamang hanggang Nobyembre 8, na may one week growth rate na -29%.
Nananatili pa rin aniya sa low ang healthcare utilization rate sa rehiyon na nasa 26% na lamang hanggang noong Nobyembre 7.
Ayon kay David, kung magpapatuloy ang kasalukuyang trends ay magreresulta ito sa pagkakaroon na lamang ng less than 5% na positivity rate at pagkakaroon na lamang ng halos 100 bagong kaso ng sakit kada araw sa rehiyon pagsapit ng katapusan ng Nobyembre.
“The current trends, if they continue, could lead to less than 5% positivity rate and about 100 new cases per day in the NCR by end of November,” ani David.
