Tuloy ang lavarn! 'Plan B' ng national costume ni Herlene Budol, dumating na sa Uganda-Balita

Tuloy ang lavarn! 'Plan B' ng national costume ni Herlene Budol, dumating na sa Uganda

Tuloy na tuloy na nga ang laban ni Herlene "Hipon" Budol sa Miss Planet International sa Nobyembre 19 matapos masolusyunan ng kaniyang talent manager na si Wilbert Tolentino ang naging isyu sa national costume nito.

Sa isang Facebook post ni Wilbert nitong Linggo, Nobyembre 6, ibinahagi niyang nag-plan B siya matapos madisgrasya ng Ethiopian Airlines ang naunang national costume na gagamitin ni Herlene.

"Sa mga nag tatanong, Opo, na disgrasya na yung National Costume na KARITELANG KALABAW WITH FILIPINO NATIVE PRODUCTS Designed by Patrick Isorena," sey ni Wilbert.

"Bilang National Director ng Miss Planet Philippines, Nag PLAN B nalang ako at nag PULL OUT at pinasabay sa byahe sa Daily Activities INTERPRETER kay Sir Ku Aquino. e reveal namin Soon ang Costume hanggat hindi pa dumating at naka lapag sa tabi namin," dagdag pa niya.

Sa isa pang post, ibinahagi ng talent manager ang pagdating ng panibagong national costume.

"LATEST UPDATE : Plan B for Herlene Hipon Budol National Costume just Arrived! Thank you lord. tuloy ang lavaaarn!!"

Matatandaang hindi nakarating ang parte ng national costume ni Herlene sa Uganda.

Ibinahagi ng beauty queen ang pagkadismaya niya sa isang Facebook post noong Sabado, Nobyembre 5.

“Nakakaiyak at sobrang lungkot ng Hipon Girl nyo,” panimula niya.

Ikinuwento niya na hinati ng airlines ang national costume niya dahil “over size” raw ito.

“Ang National Costume mukhang na disgrasya po ng Airlines. Pag dating ng Airport ayaw ipakarga kesyo over size daw. Then No Choice narin kami at hinayaan nalang namin chinopchop nila at binaklas buong box,” sey ni Hipon.

“Ang masaklap yung pinaka body ng costume hindi nakarating ng UGANDA. buong araw na kami asa Airport at tinengga oras namin at pinangakuan kami na darating ng gabi. pero 2:30am na at wala na silang paramdam,” dagdag pa niya.

Basahin:https://balita.net.ph/2022/11/05/national-costume-ni-herlene-budol-hindi-nakarating-sa-uganda-nanawagan-sa-airlines/" target="_blank">https://balita.net.ph/2022/11/05/national-costume-ni-herlene-budol-hindi-nakarating-sa-uganda-nanawagan-sa-airlines/

Kaya naman humingi agad ng tulong si Wilbert para masolusyunan ang problema nila sa natcos.

“Guys, we need Plan B for Herlene Hipon Budol National Costume. Na disgrasya ng Ethiopian Airlines. I need help! Today ang biyahe ng Interpreter papunta ng Uganda para masabay na po sana,” ani Wilbert.

Basahin:https://balita.net.ph/2022/11/05/we-need-plan-b-wilbert-tolentino-humihingi-ng-tulong-para-sa-nat-cos-ni-herlene-budol/" target="_blank">https://balita.net.ph/2022/11/05/we-need-plan-b-wilbert-tolentino-humihingi-ng-tulong-para-sa-nat-cos-ni-herlene-budol/

DepEd, sinabing walang korapsyon sa pamumuno ni Sonny Angara

Naglabas ng advisory ang Department of Education (DepEd) na nagsasabing walang nagaganap na korapsyon o katiwalian sa pamumuno ng dating senador at DepEd Secretary Sonny Angara sa kagawaran, ayon sa kanilang post sa DepEd Philippines.Ito ay may kinalaman umano sa transparency sa procurement process na isinagawa ng kagawaran para mas maibigay ang serbisyo-publiko sa sektor ng edukasyon, kapakanan...

Marce, lalo pang lumakas; Signal #1, itinaas sa 14 lugar sa Luzon

Itinaas na ang Signal No. 1 sa 14 lugar sa Luzon dahil sa Typhoon Marce na lalo pang lumakas, ayon sa 5:00 PM update ng Philippine Atmospheric, Geophysical and Astronomical Services Administration (PAGASA) ngayong Martes, Nobyembre 5.Base sa tala ng PAGASA, huling namataan ang sentro ng Typhoon Marce 480 kilometro ang layo sa silangan ng Echague, Isabela.Taglay nito ang lakas ng hanging aabot sa...

Confidential fund misuse sa ilalim ni VP Sara, posibleng umabot sa ₱612.5M – House panel

Iniimbestigahan ng House Committee on Good Government and Public Accountability ang kabuuang ₱612.5 milyon na potensyal umanong maling paggamit ng confidential funds sa ilalim ni Vice President Sara Duterte.Sinabi ito ni panel chairperson at Manila 3rd district Rep. Joel Chua sa pagpapatuloy ng imbestigasyon ng Kamara nitong Martes, Nobyembre 5, hinggil sa umano'y maling paggamit ng...