Sa inisyal na pagtatasa ng Department of Agriculture (DA), nasa P2.24 milyon na pinsala sa agrikultura kasunod ng hagupit ng Bagyong Paeng sa bansa.
Batay sa Bulletin No. 2 ng DA sa Bagyong Paeng na inilabas noong Sabado, Oktubre 29, ang bilang ay sumasaklaw sa pinsala at pagkalugi sa Negros Occidental.
Nabatid sa ulat na 252 ektarya ng palayan ang sinalanta ng Paeng, na nakaapekto sa 173 magsasaka.
Samantala, sinabi ng DA na ang pagkawala ng produksyon ay nasa 87 metrikong tonelada.
Empleyadong lasing, patay matapos sapakin ng ginising na katrabaho
Upang matulungan ang mga apektadong magsasaka, ang DA ay nag-activate ng DA Regional Disaster Risk Reduction and Management (DRRM) Operation Centers.
Sinabi ng DA na naglagay din ito ng mga buto para sa bigas at mais, mga gamot at biologic para sa mga hayop at manok sa ligtas na mga pasilidad ng imbakan.
Anang ahensya, patuloy silang nakikipag-ugnayan sa iba pang ahensya ng gobyerno, local government units, at iba pang DRRM-related offices para sa epekto ng Paeng.
“Ang DA-DRRM Operations Center ay patuloy na magbibigay ng updates patungkol sa [Bagyong Paeng]. Para sa mga katanungan, maaaring makipag-ugnayan sa (02) 8929-0140,” dagdag nito.
Jel Santos
