Sa kauna-unahang pagkakataon, magtatanghal ng kaniyang first major solo concert ang Kapamilya singer at “Your Face Sounds Familiar” champion na si Klarisse De Guzman.
Ito ang exciting news ni Klang sa kaniyang fans sa social media nitong Linggo, Oktubre 10, sabay pagbabahagi ng teaser ng inaabangan nang concert.
View this post on Instagram
Teleserye
Jodi Sta. Maria, inaming 'di siya ang first choice sa 'Be Careful with my Heart'
Mula 2013, ang Kapamilya singer ay nakilala bilang runner-up sa unang season ng The Voice Philippines dahilan para pasukin niya ang “Asap Natin ‘To.”
Napabilang ang singer sa kilalang “Birit Queens” kung saan kasama sina Morissette Amon, Angeline Quinto, at Jona, kabi-kabilang sold-out concerts sa loob at labas ng bansa ang kanilang itinanghal.
Si Klarisse ay isang Star Music artist, ang music label ng ABS-CBN sa likod ng mga hit songs na “Wala Na Talaga,” “Ikaw at Ako.” bukod sa iba pa.
Ang Kapamilya singer ay bahagi isa rin sa mga hurado sa “Tawag ng Tanghalan” sa “It’s Showtime.”
Noong Hulyo, matatandaan pang inalok ang singer ni “Unkabogable Star” Vice Ganda bilang producer ng unang solo concert nito.
“Gusto mo bang mag-concert? I will produce your concert. You deserve it. At saka gusto talaga kita mapanuod ng full-length concert na solo mo,” sey ni Vice sa isang episode ng noontime show habang abot-abot naman ang pasasalamat ni Klang.
“Deserve ng mundo, ng Pilipinas na marinig ka. Kasi feeling ko you’re one of the best singers in the country pero underrated,” pagpapatuloy noon ni Meme.
Ilang kasamahan sa industriya ang excited na rin para sa bagong oportunidad sa singer.
Kabilang sa mga bumati sa singer sina Gary Valenciano, Angeline, Jona, Liezel Garcia, JM Yosures, Bugoy Drilon, Darren Espanto at maging si Kapuso singer Rita Daniela.
Agad ding prinomote ni Asia’s Songbird Regine Velasquez ang teaser ng concert ni Klang sa isang Instagram post.
Sa ngayon, wala pang dagdag na detalye kagaya ng petsa at venue ng naturang concert.
