Nagpakilig sa publiko ang naisip na paraan ng gurong si Reven Villarta upang sorpresahin at mapasaya ang kaniyang fiancee na si Nadine, para sa kanilang walong taong anibersaryo bilang magkarelasyon.
Salaysay ni Sir Reven, pareho silang abal sa kani-kanilang mga trabaho bilang guro. Nagkataong naubusan pa sila ng gasolina sa LPG tank na ginagamit nila sa bahay upang makapagluto. Hindi na raw sila nakapagplano pang lumabas ng bahay upang magdiwang.
Kaya naman sa halip na lumabas at gumastos pa, ipinambili na lamang ni Sir Reven ng LPG tank ang pera. Bumili na lamang siya ng 150 pisong pulumpon ng mga bulaklak, na inihandog niya sa kaniyang fiancee.
Ngunit ang mas nakapagpatawa kay Nadine ay ang mga pick-up lines na nakadikit sa iba't ibang kasangkapan at bahagi ng kanilang bahay.
Paalala ng mommy-vlogger: 'Toys are genderless!'
Ani Sir Reven, ito na lamang ang "bright ideas" na biglang pumasok sa kaniyang isipan upang mapasaya ang kaniyang kasintahan.
"Hindi ko na inisip if effective ba siya o hindi, kaya nag-video na lang ako sa magiging reaction niya. Masaya naman siya lalo noong pumunta na kami sa mall para bumili ng groceries para sa bahay," salaysay ni Sir Reven.
Hindi naman akalain ng guro na magiging viral ang kaniyang video. Habang isinusulat ito, umabot na sa 11K ang reactions, 1.3K comments, at 8.6K shares ang kaniyang Facebook post.
