Ibinahagi ng singer-actress na si "Mystica" na magkasama sila sa isang bar ng kontrobersiyal na content creator na si "Pambansang Kolokoy" o Joel Mondina, at tinanong niya ang mga "anak" kung payag ba ang mga itong maging boyfriend niya ang lalaki.
Sa &t=96s">vlog na "MGA ANAK, PAYAG BA KAYONG MAGING BOYFRIEND KO SI PAMBANSANG KOLOKOY? - MYSTICA" na naka-upload sa kaniyang YouTube channel, makikitang ilang beses na flinex ni Mystica si Pambansang Kolokoy na kaniyang katabi sa upuan.
Tinaniman pa niya ng halik sa pisngi si PK.
Marcoleta, pinagsabihan kapwa kongresista: 'You may not like the person... but respect the OVP!'
Kasalukuyan umanong nasa United States of America si Mystica para sa isang ganap.
Matatandaang noong Agosto ay inamin ng vlogger na hiwalay na sila ng kaniyang misis na si Marites.
"Yes, mga kaibigan, me and Marites are no longer together. Wala na po kami ni Marites," pag-amin ni PK.
Ayaw pa sanang magsalita ni PK dahil sa prosesong pinagdaraanan nila, subalit minabuti na niyang magsalita at magpaliwanag dahil dumarami ang mga nagtatanong sa kaniya.
Inamin ni Pambansang Kolokoy na may karelasyon na siyang iba, at masaya sila sa piling ng isa't isa.
"Yes, I'm with someone else now, and we're happy. Masaya kami. At hindi naman po ako nagsisisi na nangyari 'yon…"
Ayaw raw niyang magsalita ng hindi maganda tungkol kay Marites lalo at may masasayang pinagsamahan naman sila at ina ito ng kaniyang mga anak.
May mga bagay raw na nangyayari sa kanilang personal na buhay na hindi na nila ipinaaalam at ipinakikita sa vlog; kaiba sa mga nakikita at napapanood ng mga tao, na masayang-masaya sila. Marami raw mga nangyayari sa likod ng camera na hindi alam ng mga tao, at minamabuti na nilang hindi ipinakikita sa kanilang vlog.
Sinagot din ni PK kung kumusta naman ang relasyon niya sa mga anak nila. Sinabi naman niyang okay sila at maayos ang kanilang relasyon.
"They are very okay. Lahat po ng gusto nila, lahat ng hilingin nila, kahit na hindi ko kaya, kinakaya ko. Dahil anak ko po ang mga iyon, mga bestfriends," pahayag niya.
"Hindi po ako pabayang ama… hindi ko po pababayaan ang mga anak ko. Hindi ko rin naman sisiraan si Marites…" aniya pa.
Basahin: https://balita.net.ph/2022/08/31/vlogger-na-si-pambansang-kolokoy-aminadong-hiwalay-na-sa-misis-masaya-na-sa-piling-ng-iba/">https://balita.net.ph/2022/08/31/vlogger-na-si-pambansang-kolokoy-aminadong-hiwalay-na-sa-misis-masaya-na-sa-piling-ng-iba/
Samantala, hindi naman nilinaw nina Mystica at maging si Pambansang Kolokoy, kung may namamagitan ba sa kanilang dalawa, o sadyang magkaibigan lamang silang dalawa. Bukas ang panig ng Balita Online sa kanilang dalawa.
